Su Gasal Subaanen
Myrna Promon
1 Naa su kanugdiin, telipuunay nug bansa getaw, pitawag nu Gulay* sun gag launan bansa kia. 2 Bena’ minateng na dia gatubanganen, pimbegayanen dayun libru. 3 Adinadini mibegayanen, pimuunen pu’ kitu libru kitu, iini gasal nilan.
4 Naa bena’ mitubus ilan pembegayay, mimeguli’ ilan dayun.
5 Naa kiin pelum Subaanen keni, bena’ dia na dalan, minita’en sug dibabaw telenggwag.* 6 Bitangen dayun sug libru nen ditug dibabaw telenggwag.* 7 Pu’ inalapen pa deli’ su taban bitayanen.
8 Naa bena’ mialapen na, pinuli’anen dayun sug binilinen ditug dibabaw telenggwag. 9 Ali’ mateng ditu, nda’ na ditu su telenggwag, muka’ sug libru nen.*
10 Masi’ bitangan dun kitu, kana’ masi telenggwag. 11 Masi’ sungag gusa. 12 Iwit nu gusa gubek. 13 Nda’en dayun mawi’.
14 Naa, mipuli’ dayun su Subaanen keni ditu Gulay, pu’ menengi puli’.
15 Laak tinalu’ nu Gulay, ‘Nda’idun na. 16 Subay yamu Subaanen, iini gasal niu, sug limuun muka’ su gusa. 17 Pu’ sug limuun, iini mitumu’ mu.
18 ‘Naa subay sa’ meglebad sug limuun, sa’ sungu amu mpanaw, ndi’ amu mbaluy. 19 Atawaka sa’ duuni sungu niu aanay, ndi’ niu aanay. 20 Pu’ sa’ tegelen niu, megladu amu dun.*
21 ‘Naa ki gusa, adun ndi’ amu niin puli’ peksipelaay,* subay ilakan niu, gemay, gumanok, manuk, muka’ gipugan.
22. ‘ Naa, iini gasal niu nga Subaanen, mekanu amu. 23 Pu’ mibeleng sug libru niu.’
24 Naa mideksu’.
