By: Lynne De Guzman-Pina
Dunii 175,000 getaw Subanen, misakup dig Telu (3) Probinsia Zamboanga muka' Misamis Occidental. Ilan gupia kadaan miuna mig benua di' Zamboanga Peninsula; bena' metiba' na' minateng lain getaw bu'at dia' Central Pilipinas; migawa' ilan diag lugar nilan migbenua ilan laak dayun dig geksed tinubigan.
Laung di' surbi' ni Bob Brichoux di' Summer Institute of Linquistics taun 1981, 50% tu' nga' Subanen gidad 30 peta'as ndi' metau' megbasa' muka' meksulat; 23% dema' bu'at gidad 15-30. Kenii keta'as porsintu' meksaba' tu kelayu' guskilan dinilan, melayu' gupia beklayen nilan sa meguskila ilan. Kaas melaun, mundang bisan ndi' pa metubus meguskila.
Bena' minateng su' Alternative Learning System Division, bu'at di' Department of Education, gubernu, muka' kana' gubernu, metiba' minateng gininisan pikumpungan para megabang di' lugar nilan, bu'at nitu' meksitaas na sug litirasi bu'at 50% dig 1981, medepet na 85% dig taun 2005 (bu'at DepEd).
Taman tu' mike'apil muka' meketubus dig klasi litirasi pegliliag ilan pau megamit na nilan su taman mibeyanan, muka misuunan nilan, kaas miksitaas na dema su gelal nilan. Liagan pa nilan dun mesuunan su tibaanen para megamit nilan dig ketubuan muka' mekegabang pa dig benua nilan. Misuunan nilan sa dun metubus ta mekalap ita meteba' pemaagi adun embaal ta launanen para di mateng lema' denlag duni melengas ketebuan nunga gembata' sumunud dig benua ta. Subay kenii talentenan ta; mesu'unan ta sa' andun sug balakat ta sa' duni mateng gininisan kelegenay; subay menamal ita mekte'un adun medugangan sug sinuunan ta mekatag dig benua muka' mulibot ta.
Bena' duni metua programa TAP Litirasi dig taun 1992, gininisan pikumpungan minateng, salabuk dig liagan nilan adun megabang di kelengasan ketubuan. Miksalabuk ilan adun pekte'unan sug launan sineligan dig tribu. Tinitulu' dinilan kenduta' pege'uit, muka mesiba' ketebuan.
Edukasyon:
Gidukasiun deksu' nemun iin da gusay deksu' nemuun gembagel kelegenay. Metiba' katarungan; di' ilan metau ginisturian ginamit dinga' guskilan; iin pa nilan maita muka' melabet sunga matirialis, kaas metegelan dun ilan; melayo gupia beklayen nunga' gembata' pangay guskilan; muka' nda' delemdemay mekegulang anduni kelengasan maalap sa' metubus meguskila. Kaas mekelibuleng gupia, metiba' mundang nalaak, samet na duma' mai'stada meliang da meglekelasi kebaal kela'u buwid. Kaas metiba' da' gusay ilitirit, sa di ganam begayan sulbad kenii palas kelegenay.
Kebetang Kelesed:
Kelaunan Subanen melised gupia kebetangen pau' seled setaun P6,000.00 laak melaam nilan. Launan Subanen miktarbaho dig lupa', mimula' mais, palay, niyug, saging, kapi, muka gininisan pimula, adun me'alap gusay sug melengas ketubuan.
Bisan meliwag sug lupa' nilan, ndi da' gusay nilan pemulanan kebaal dai'dunig sin penuhul pengimbaal.
Health:
Kada bulan minsan laak metua sug memulung (midwife) adun megbigay vaccination tu nga' gembata' muka' bulungen sunga' gininisan mesait dinga' lawas. Sagaran betiken kig mesait tian, panas kebaal kalemut, TB, pneumonia, muka duma' malaria. Dinii mesuunan sagaran getaw megulang ma muka' gembata' metiba' kulang dig timbang.
Kultura:
Misuunan dig launan kig betad sinubanen liagan nilan ndi' beleng. Kaas, dunii danilan betad pigunutan muka' pituman adun kig Datu, Timuay, Saliling, iini megu'it betad adun betad sinubanen ndi da mebeleng.
Tradisiunal sub Subanen (traditional dress) gemiten laak sa duni belai, muka' lumpok. Bulan September inig bulan lumpok mitendu' dinga' Subanen. Laak bulug sug betad sinubanen ma' nu' bebat, sabay, maniin su ngu' na beleng. Dig bulan kenii, iin sia sug pistibal tribu Subanen, megulang sa gembata' meksabay sinegay mekparid, muka' lumba' megbebat muka' metiba' pa' gininisan lemetan sibanunen.
Environment:
"Binalan" ini mekegela' dinga gayu, kebaal memutuk dun dayun tutungay para pemulanan. Pau' iin mi palas ketubuan misunan nilan. Kaas nemun bisan mika laak dupi, melemu na gupia metubak pau daidun manig gayu' mekegayud dun.
Duma lugar, miliag na sunga' Timuay nilan sumeled sug small-scale mining. Kaas, miglaat na sug tinubigan, mi pesuun tanan muka misuunan nga duni mike'an milu' bu'at dig seda mialap dig tubig.
Religion:
Su'nga Subanen ketubuan nilan mengayam muka ilan su' tinawag peganu (pagans). Laak nemun su' duma' dinilan mikpitulu' na dig tituluan nug megbebaya, midawat na nilan su' megbebaya inii paun metuud diwata. Kenii su'nga relihiyon mekeseled dinilan: Roman Catholic, Indigenous Christian Church, Baptist, Alliance, Pentecostal group, Unit Church of Christ muka metiba' pa pikumpungan. Dengantu' duni simban ngalanen Satan, mekeseled dig lugar nilan. Laak siniran, bena misuunan nunga lokal opisial masi' mekeglaat dinga getaw megbenua dia.
