Su Mibianan nu nga Mekegulang Dengantu
Ramon Anulay

1 sug bekna duuni luminumpak dengantu dinig benwa Pilipinas, timpu pa nu ginepu'ay nami si mateo. 2 Bena' minateng ilan dini pulu' Mindanao, iin siai mauya'an nug luminumpak kia, si Mateo, daapen nilan, pu' uiten nilan tug benwa nilan. 3 Laak mpauk is Mateo, megdunut dinilan, kaas migbunu' ilan, sampay dinaag su ngag luminumpak kia. 4 Naa si Mateo, dekag migbata', ngalanen si Anulay. * 5 Kini pelum si Anulay, iini mibiananen su kelumpak nu Hapun dinig benwa Pilipinas. 6 Naa bena minita' nu kaunutan sundalu si nga Hapon si Anulay, dayun nilan daapay, pu' baalen nilan gulipen meguit nga pemetang nilan. 7 Buat dia Ginin, mikebian ilan tu Petawag. 8 Buat Petawag, mikebian ilan tu Geded. 9 Buat Geded, mekibian ilan pelum ditug Bunawan. 10 Buat pelum Bunawan, mikebian ilan ditug Walu Angka'. 11 Gebii gendaw nai pinawan nilan. 12 Kali' ilan mekebian di timbaw, metaas gupia tubak, Si Anulay, migbalulid dia tubak. 13 Laung dayun nu nga Hapon, si Anulay, minatay. 14 Laak nda' iin patay. 15 Iin dayun kebeluy ni Anulay, sampay mikauli' ditug benwanen, Giniin.* 16 Naa iini pated ni Anulay, si Lakpaw, Edis, Lalag, Bandan, muka' si Pamay, pateden libun. 17 Naa iin pelum ig bata' ni Anulay, si Mogdin, *Esik, Dalima', Odial, Daria, Tring, si Diang, iini tampusan ngudan. 18 Naa kini pelum si Mogdin, iin ig bata'en si Pedro, Entong, Sebio, Timbangan, Tagalog, Danilo, Ramon, muka' si Dolino, * iini tampusan ngudan dinami.* 19 Naa ami kini nemun, iini sapu' nu ginepu'ay nami si Mateo,* muka' mikegabang na ami megubad di Misulat Talu' nu Megbebaya'.*