Su Miuna Getaw*
Entong Anulay
1 Su miuna getaw, tauntaun gumalin di pegbenwanan,* pu’ nda’ pa nilan mesabut sa’ endunen duni keglektubu’. 2 Pu’ timpu nitu, nda’ pai mendagang, bisan maika’.
3 Laak dagid ki masin, baalen nilan, paingalan nilan dun megekpuk. 4 Ki megekpuk, megulak gembagel gupia gapuy dia geksid dagat. 5 Sa’ megbaga’ na, sebuan dagat adun kumapeg, mbaluy dayun masin su gabu nu gayu.
6 Bena’ metubus, baalen dayun nilan gengli. 7 Su gabu binaluy na masin, tugaun dayun dig tubig, dayun lega’ay. 8 Bena’ metian, kumapeg itu, metegas gupia. 9 Naa ngalanen, gengli.*
10 Naa, dayun nilan lebengay di gebuan, adun ndi’ melinis. 11 Bisan sanu taun, ndi’ meglaat.
12 Naa, kiin pelum keginapet nu nga kigulangay dengantu, su geseg dun, iini salualen tagekpek, atawaka binila. 13 Muka’ sub nilan, pinglu’upan.* 14 Ki tulapuk* nilan, mandal.* 15 Muka’ mekpetaas ilan buuk, kig libun muka’ geseg, nda’i pigbida’anen di buuk.
16 Naa sa’ mektulug, ndi’ ua’eni tulapuk.* 17 Muka’ sa’ mpanaw, menabit la’apan.*
